17.12.2025 | 17:25
Կիևի «Դինամոն» գլխավոր մարզիչ է նշանակել «Նոայի» դեմ խաղից առաջ
Ուկրաինայում ռազմական գործողությունների 28 օրվա ընթացքում արդեն 121 երեխա է զոհվել
Քաղաքականություն
23.03.2022 | 22:14
Ուկրաինայում պատերազմի 28-րդ օրվա դրությամբ՝ զոհվել է 121 երեխա, 167 երեխա ստացել է տարբեր ծանրության վնասվածքներ։ Այս մասին հայտնել է Ուկրաինայի գլխավոր դատախազությունը ֆեյսբուքյան իր էջում։
Երեխաներից շատերը տուժել են Կիևի մարզում՝ 61, Խարկովում՝ 41, Դոնեցկում՝ 40, Չեռնիգովում՝ 32, Նիկոլաևում՝ 24, մայրաքաղաքում՝ 16, Ժիտոմիրում՝ 15, Խերսոնում՝ 15 և Սումիում՝ 14 ։
Ամենօրյա ռմբակոծությունների և գնդակոծությունների հետևանքով վնասվել է 548 ուսումնական հաստատություն ավելի քան 220 դպրոց, 155 մանկապարտեզ, որոնցից 72-ը ամբողջությամբ ավերվել են։ Ամենավատ վիճակը Դոնեցկում, Խարկովում, Նիկոլաևում, Սումիում, Կիևում, Խերսոնի, Չեռնիգովի մարզերում է։
Բացի այդ, ՌԴ կրակոցների հետևանքով տուժել է ավելի քան 40 մանկական հաստատություն, այդ թվում՝ բուժհաստատություններ, արվեստի դպրոցներ, մարզական հաստատություններ, գրադարաններ։
