06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Կիևի գիշերային հրթիռակոծության հետևանքով ութ մարդ է զոհվել
Քաղաքականություն
21.03.2022 | 13:59
Մարտի 20-ի երեկոյան ՌԴ զինված ուժերը գնդակոծել են Ուկրաինայի մայրաքաղաքի Պոդոլսկի թաղամասը։ Մարտի 21-ի ժամը 09:30-ի դրությամբ հայտնի է, որ այս գնդակոծության հետևանքով 8 մարդ է զոհվել, հայտնում է Unian-ը՝ հղում անելով Ուկրաինայի գլխավոր դատախազության գրասենյակին։
«Մահացածների և վիրավորների մասին տեղեկությունները ճշտվում են, տեղում աշխատում են փրկարարներն ու իրավապահները, որոնք փաստագրում են հանցագործությունը։ Նախաքննությունը վարում է Կիևի ազգային ոստիկանության գլխավոր վարչության Պոդոլսկի ոստիկանության բաժինը»,- ասված է նախարարության հաղորդագրության մեջ։
Ուկրաինայի իրավապահ մարմինների հաղորդմամբ՝ գնդակոծության ժամանակ օգտագործվել են միջազգային իրավունքով արգելված պատերազմական միջոցներ։
Հրթիռակոծության հետևանքով տեղի առևտրի կենտրոնում հրդեհ է բռնկվել։ Վնասվել են նաև հարակից բնակելի շենքերի պատուհանները և մոտակայքում կայանված մեքենաները։
Տաթև Ֆռանգյան
