14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
ԵՄ-ն կքննարկի Ռուսաստանի դեմ նավթային էմբարգո սահմանելու հնարավորությունը
Քաղաքականություն
21.03.2022 | 11:07
Եվրամիությունը կքննարկի Ռուսաստանի դեմ նավթային էմբարգո սահմանելու հնարավորությունը՝ Ուկրաինայի դեմ ՌԴ պատերազմի պատճառով։ Այս մասին հայտնում է Reuters-ը։
Գործակալությունն ուշադրություն է հրավիրում այն փաստի վրա, որ Բայդենն այս շաբաթ կայցելի Բրյուսել՝ ԵՄ ներկայացուցիչների հետ քննարկելու Ռուսաստանի դեմ պատժամիջոցների խստացումը։
«Մենք աշխատում ենք պատժամիջոցների հինգերորդ փուլի վրա, շատ նոր անուններ են սպասվում», – ասել է ԵՄ բարձրաստիճան դիվանագետը, որը ցանկացել է անանուն մնալ, քանի որ նոր պատժամիջոցների քննարկումները շարունակվում են գաղտնի:
Ռուսաստանի Դաշնության դեմ պատժամիջոցների նախորդ չորս փուլերը չեն փոխել Ուկրաինայի դեմ ռազմական գործողությունները դադարեցնելու Կրեմլի կուրսը, ինչը Արևմուտքին ստիպում է ավելի կոշտ քայլեր ձեռնարկել ՌԴ-ի դեմ:
Սպիտակ տունն ավելի վաղ հայտարարել էր սահմանափակումների նոր փաթեթի մասին և ասել, որ պատժամիջոցների ցանկը միայն կավելանա, եթե Մոսկվան չհրաժարվի իր «զավթիչ նպատակներից»։
Տաթև Ֆռանգյան
