26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
109 դատարկ մանկասայլակ․ Լվովում զոհված երեխաների հիշատակին ակցիա է անցկացվել
Քաղաքականություն
18.03.2022 | 22:36
Ուկրաինայի Լվով քաղաքի հրապարակներից մեկում ակցիա է կազմակերպվել, որը կոչված է ՌԴ ռազմական գործողությունների վրա ուշադրություն հրավիրելուն։ Այս մասին հայտնել է Լվովի քաղաքապետ Անդրեյ Սադովին, գրում է Unian-ը։
Լվովի կենտրոնում տեղադրվել է 109 մանկասայլակ․ հենց այսքան երեխաներ են զոհվել Ռուսաստանի սանձազերծած պատերազմի հետևանքով։
«Շուկայի հրապարակում դատարկ մանկասայլակներն այն հրեշտակների կյանքի խորհրդանիշն են, ովքեր այժմ, աշխարհի վճռորոշ գործողությունների փոխարեն, պաշտպանում են Ուկրաինայի երկինքը։ Սա պատերազմի սարսափելի գինն է, որն այսօր վճարում է Ուկրաինան։ Եվ մենք կոչ ենք անում աշխարհի բոլոր մեծահասակներին՝ պաշտպանել ուկրաինացի երեխաներին մեկ վահանով և տալ նրանց ապագա։ Պահանջեք այլ երկրների կառավարություններից՝ փակել Ուկրաինայի երկինքը»,- գրել է Սադովին։
Տաթև Ֆռանգյան
