16.09.2026 | 19:14
Համաշխարհային օլիմպիադա. Շախմատի Հայաստանի հավաքականները մեկնարկեցին հաղթանակով
Պենտագոնի ղեկավարը հայտարարել է, որ ԱՄՆ-ը չի փակի Ուկրաինայի երկինքը
Քաղաքականություն
17.03.2022 | 20:16
Պենտագոնի ղեկավար Լլոյդ Օսթինը կրկին հայտարարել է, որ ԱՄՆ-ը չի փակի Ուկրաինայի երկինքը, քանի որ ոչ թռիչքային գոտին կնշանակի հակամարտության մեջ մտնել Ռուսաստանի հետ։ Այս մասին հաղորդում է CNN-ը։
«ԱՄՆ-ի տեսանկյունից մեր նախագահ Բայդենը հստակ է եղել, որ մենք չենք ունենա ամերիկյան ուժեր, որոնք կռվում են Ուկրաինայում: Դա ասելով՝ մենք մեր ուժերի սահմաններում ամեն ինչ կանենք՝ աջակցելու Ուկրաինային իրենց տարածքը պաշտպանելու ջանքերում։ Մենք նաև հայտարարել ենք, որ ոչ թռիչքային գոտի սահմանելն իրականում նշանակում է, որ մարտական գործողությունների մեջ եք, կռվում եք Ռուսաստանի հետ։ Մեր նախագահն ասել է, որ մենք չենք պատրաստվում կռվի մեջ մտել Ռուսաստանի հետ»,- ասել է Օսթինը։
Նա նշել է, որ ուկրաինական ուժերը հաջողությամբ օգտագործում են հակաօդային պաշտպանության համակարգերը՝ Ռուսաստանից հարձակումները կանխելու համար։
Էմմա Չոբանյան
