26.11.2024 | 20:29
Գերմանիան իրավունք չունի Taurus-ներ մատակարարել. Շոլց
Ռուսաստանի խոշորագույն բեռնափոխադրող ընկերության ինքնաթիռներն ամբողջությամբ դադարեցրել են թռիչքները
Քաղաքականություն
17.03.2022 | 23:27
Ռուսաստանի խոշորագույն բեռնափոխադրող «Վոլգա-Դնեպր» ընկերության ինքնաթիռներն ամբողջությամբ դադարեցրել են թռիչքները, հայտնել է «Կոմերսանտ» թերթը։ Հրատարակության տվյալներով՝ դա պայմանավորված է նրանով, որ եվրոպական կարգավորիչներն արգելել են երկու եվրոպական ընկերությունների գործունեությունը, որոնք մտնում են «Վոլգա-Դնեպր» խմբի մեջ և հիմնադրվել են Ռուսաստանի քաղաքացի Ալեքսեյ Իսաիկինի կողմից, գրում է DW-ի ռուսական ծառայությունը։
Մեծ Բրիտանիայի և Գերմանիայի ավիակարգավորիչները մարտի 10-ին արգելել են բրիտանական CargoLogicAir և գերմանական CargoLogic Germany ընկերությունների գործունեությունը: Արգելքի համար հիմք է հանդիսացել Իսաիկինի Ռուսաստանի քաղաքացիությունը։ «Վոլգա-Դնեպր» խմբի ռուսական ընկերությունների ինքնաթիռները արդեն մի քանի օր է, ինչ չեն թռչում վերաապահովագրության հետ կապված դժվարությունների պատճառով։
«Ռոսավիացիայի» տվյալներով՝ միայն հունվարին «Վոլգա-Դնեպր»-ը զբաղեցրել է ռուսական օդային բեռնափոխադրումների շուկայի 47%-ը։ Խմբի ինքնաթիռներն օրական մի քանի տասնյակ թռիչքներ էին կատարում։
Տաթև Ֆռանգյան
