29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
ԱՄՆ-ը միջազգային խումբ է ստեղծել՝ Արևմուտքում ռուս օլիգարխների ակտիվները գտնելու և կալանավորելու համար
Քաղաքականություն
17.03.2022 | 13:46
ԱՄՆ-ը մի շարք երկրների հետ համատեղ միջազգային խումբ է ստեղծել՝ Արևմուտքում ռուսական էլիտայի ակտիվերի որոնման ու կալանման համար։ Այս մասին հայտնում է ԱՄՆ ֆինանսների դեպարտամենտը։
Խմբում ներառվել են Ավստրալիայի, Բրիտանիայի, Կանադայի, Ճապոնիայի, Գերմանիայի, Ֆրանսիայի, Իտալիայի և Եվրահանձնաժողովի ներկայացուցիչները։
Գերատեսչության ղեկավար Ջենեթ Յելենը և գլխավոր դատախազ Մերիկ Գարլանդը նախօրեին անցկացրել են այս երկրների ներկայացուցիչների հետ առաջին առցանց հանդիպումը։
Նշվում է, որ վերջին երեք շաբաթների ընթացքում ԱՄՆ իրավապահ մարմինների կողմից տրամադրված տեղեկատվությունն օգնել է կալանել մի քանի նավեր, որոնք տնօրինել են պատժամիջոցների տակ գտնվող ֆիզիկական և իրավաբանական անձինք։
«Մենք արդեն աշխատում ենք մեր միջազգային գործընկերների հետ՝ սառեցնելու և բռնագրավելու պատժամիջոցների ենթարկված ռուս օլիգարխներին պատկանող գույքն ամբողջ աշխարհում»,- ասել է գլխավոր դատախազ Մերիկ Գարլանդը։
Բացի այդ, խմբի անդամները ստացել են 50 անձի ներառող ցուցակ, որի վրա պետք է կենտրոնացնեն իրենց ուշադրությունը, և որոնք առաջնահերթ են ԱՄՆ-ի համար։
Էմմա Չոբանյան,
