06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Ուկրաինայի՝ ՆԱՏՕ-ին չմիանալը չպետք է դիտարկել որպես զիջում Ռուսաստանին․ Բլինքեն
Քաղաքականություն
16.03.2022 | 13:30
ԱՄՆ պետքարտուղար Էնթոնի Բլինկենը կարծում է, որ Ուկրաինայի՝ ՆԱՏՕ-ին չմիանալը չպետք է դիտարկել որպես զիջում Ռուսաստանին, գրում է VOA-ն։
«Ես չեմ կարծում, որ դա զիջում է։ Իմ կարծիքով՝ սա միայն իրերի իրական վիճակի արտացոլումն է, այն է, որ նույնիսկ մինչ ռուսական ագրեսիան Ուկրաինան չէր պատրաստվում հաջորդ օրն իսկ անդամակցել ՆԱՏՕ-ին», – CNN-ի հետ զրույցում պարզաբանել է Բլինքենը:
Հիշեցնենք՝ ավելի վաղ Ուկրաինայի նախագահ Վլադիմիր Զելենսկին հայտարարել էր, որ անհրաժեշտ է ընդունել այն փաստը, որ երկիրը տեսանելի ապագայում չի կարողանա դառնալ ՆԱՏՕ-ի անդամ։
ԱՄՆ պետքարտուղարը նաև քննադատել է Ուկրաինայի հակամարտության վերաբերյալ Չինաստանի դիրքորոշումը։
«Այն փաստը, որ Չինաստանը չի դատապարտել Ռուսաստանի գործողությունները, ինքնին շատ բան է ասում՝ ոչ միայն Ռուսաստանին, Ուկրաինային կամ Եվրոպային, այլև ամբողջ աշխարհին։ Երկրորդ՝ մենք անհանգստացած ենք Չինաստանի կողմից Ռուսաստանին նյութական օգնություն տրամադրելու կամ մեր սահմանած պատժամիջոցները խաթարելու հնարավորությամբ: Մենք դա ուղղակիորեն հայտնել ենք Չինաստանին, այդ թվում՝ վերջին 24 ժամվա ընթացքում, երբ Ազգային անվտանգության հարցերով խորհրդական Ջեյք Սալիվանը հանդիպել է իր չինացի գործընկերոջ հետ»,- ասել է ամերիկացի պաշտոնյան։
Տաթև Ֆռանգյան
