16.09.2026 | 21:15
Վթար Չարենցավան-Հրազդան ավտոճանապարհին. նախնական տվյալներով՝ կան չորս զոհ, մեկ տուժած
Ճապոնիան արգելելու է շուրջ 300 ապրանքատեսակների արտահանումը Ռուսաստան և Բելառուս
Քաղաքականություն
16.03.2022 | 18:36
Ճապոնիան կազմել է շուրջ 300 ապրանքների և առաջատար տեխնոլոգիաների ցուցակ, որոնց արտահանումը Ռուսաստան և Բելառուս կարգելվի մարտի 18-ից։ Ճապոնիայի Էկոնոմիկայի, առևտրի և արդյունաբերության նախարարությունը թվարկել է 266 ապրանք և 26 տեխնոլոգիա, հայտնում է Japan Today-ը:
Էմբարգոյի տակ գտնվող ապրանքների ցանկում ընդգրկված են, մասնավորապես, կիսահաղորդիչներ, կապի և նավթավերամշակման սարքավորումներ և նյութերի նորագույն տեսակներ։ Ռուսաստանի և Բելառուսի համար արգելված տեխնոլոգիաների թվում են նաև միկրոչիպեր պատրաստող հաստոցների ծրագրերը:
Բացի այդ, Ճապոնիան ամբողջությամբ արգելում է ցանկացած գործարար հարաբերություն Ռուսաստանի և Բելառուսի 50 ռազմական կազմակերպությունների և ձեռնարկությունների հետ։
Ճապոնիան այս պատժամիջոցները կիրառելու որոշման մասին հայտարարել է ուկրաինական պատերազմի մեկնարկին, իսկ այժմ հրապարակել է մանրամասներ էմբարգոյի և դրա ներդրման ժամկետների վերաբերյալ:
Տաթև Ֆռանգյան
