17.12.2025 | 12:17
Արման Ծառուկյանն ու Մեհդի Բայդուլաևն անցկացրել են հայացքների մենամարտ․ ՏԵՍԱՆՅՈՒԹ
Պուտինը՝ ռազմական հանցագործ․ ԱՄՆ Սենատը բանաձև է ընդունել
Քաղաքականություն
16.03.2022 | 11:29
ԱՄՆ Սենատը բանաձև է ընդունել, որով ՌԴ նախագահ Վլադիմիր Պուտինին միաձայն դատապարտել է որպես ռազմական հանցագործի։
Բանաձևը ներկայացրել է հանրապետական սենատոր Լինդսի Գրեհեմը, սակայն աջակցություն է ստացել ոչ միայն հանրապետական, այլև դեմոկրատ սենատորների կողմից, հայտնում են Reuters-ը և Associated Press-ը։
ԱՄՆ Սենատը խստորեն դատապարտում է Պուտինի օրոք ռուսական զինված ուժերի կողմից իրականացված «բռնությունը, ռազմական հանցագործությունները, մարդկության դեմ հանցագործությունները»։
Բանաձևը կոչ է անում Հաագայի միջազգային քրեական դատարանին և այլ երկրներին հետաքննել Ռուսաստանի նախագահ Վլադիմիր Պուտինին և նրա վարչակարգին, ներառյալ ռուս զինվորականներին, ռազմական հանցագործությունների վերաբերյալ, որոնք կատարվել են Ուկրաինա Ռուսաստանի ներխուժման ժամանակ:
«Մենք բոլորս այս սենյակում հավաքվել ենք՝ դեմոկրատներ և հանրապետականներ, որպեսզի ասենք, որ Վլադիմիր Պուտինը չի կարող խուսափել ուկրաինացի ժողովրդի դեմ իրականացված վայրագությունների պատասխանատվությունից», – ասել է Սենատի դեմոկրատական մեծամասնության առաջնորդ Չակ Շումերը:
Տաթև Ֆռանգյան
