10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Երևանում մարտի 18-20-ը ժամանակ առ ժամանակ սպասվում է ձյուն
15.03.2022 | 15:11
Մայրաքաղաքում այսօր ցերեկը, մարտի 18-20-ը ժամանակ առ ժամանակ սպասվում է ձյուն․ տեղեկացնում են Հիդրոօդերևութաբանության և մոնիթորինգի կենտրոնից։
Մարտի 16-ին, 17-ին սպասվում է առանց տեղումների եղանակ:
Մարզերում այսօր ցերեկը, մարտի 18-20-ը ժամանակ առ ժամանակ շրջանների զգալի մասում, մարտի 16-ին, 17-ի երեկոյան առանձին շրջաններում սպասվում է ձյուն:
Լեռնային առանձին շրջաններում սպասվում է բուք, ցածր հորիզոնական տեսանելիություն։
Քամին՝ հյուսիս-արևմտյան 3-7 մ/վ, մարտի 19-ին, 20-ին առանձին շրջաններում սպասվում է քամու ուժգնացում 14-17 մ/վ արագությամբ:
Օդի ջերմաստիճանը 16-ի և 17-ի գիշերը աստիճանաբար կնվազի 6-9 աստիճանով:
Արցախում այսօր և վաղը սպասվում է ձյուն։
Ակտիվ ցիկլոնի գործունեության արդյունքում hանրապետության ամբողջ տարածքում դիտվել են ձյան առատ տեղումներ։
Ձյան ծածկի բարձրությունն այսօրվա դրությամբ Տավուշում կազմում է 10-40սմ, Լոռիում՝ 17-43սմ, լեռնային շրջաններում՝ 20-50սմ, Հրազդանի, Ապարանի, Ջերմուկի հատվածում՝ 60-90սմ:
Հանրապետության բարձր լեռնային գոտիներում՝ Արագածի մերձգագաթային հատվածում, ձյան ծածկը 234սմ է, Ամբերդում՝ 103սմ է:
Այսօր ցերեկը ձյան տեսքով տեղումները հանրապետության ամբողջ տարածքում կպահպանվեն, երեկոյան ժամերին դրանք աստիճանաբար կդադարեն, մարտի 16-ին կշարունակվեն միայն Վայոց ձորում, Սյունիքում և Արցախում:
Օդի ջերմաստիճանը մարտի 16-ի և 17-ի գիշերը հանրապետության ամբողջ տարածքում կնվազի 6-8 աստիճանով:
