06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Բրիտանացի նախարարը հայտարարել է, որ Ռուսաստանի հարձակման պլանը չի աշխատում
Քաղաքականություն
15.03.2022 | 14:50
Մեծ Բրիտանիայի Եվրոպայի և Հյուսիսային Ամերիկայի հարցերով նորանշանակ պետնախարար Ջեյմս Քլեվերլին BBC-ի հետ զրույցում ասել է, որ ռուսական «հարձակման պլանը չի աշխատում», սակայն արդյունքում տեսնում ենք, որ ավելի շատ քաղաքացիական տարածքներ են թիրախավորվում:
«Դա պետք է շատ հեշտ լիներ, դա պետք է լիներ ինչ-որ կայծակնային պատերազմ, որտեղ ռուսական զորքերը շրջում էին ամբողջ Ուկրաինան։ Փոխարենը մենք տեսնում ենք ուկրաինացիների կատաղի պաշտպանությունը, ինչն աներևակայելի կերպով հիասթափեցնում է Վլադիմիր Պուտինին»,- ասել է Քլեվերլին։
Նա նշել է, որ որպես Պուտինի զայրույթի ու հիասթափության արդյունք՝ հետևում է «քաղաքացիների և քաղաքացիական ենթակառուցվածքների թիրախավորումը»։
Պատերազմի ավարտի ժամկետների մասին հարցին բրիտանացի նախարարը պատասխանել է, որ «կանխատեսումներ անելն անհավանական դժվար է», բայց Մեծ Բրիտանիան պետք է համոզվի, որ Պուտինը ձախողվում է Ուկրաինայում:
Էմմա Չոբանյան
