06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Կիևում պարետային ժամ է սահմանվել․ մարտերն ընթանում են 3 ուղղությամբ
Քաղաքականություն
15.03.2022 | 14:14
Կիևում պարետային ժամ է սահմանվել մարտի 15-ին ժամը 20:00-ից մինչև մարտի 17-ը ժամը 7:00-ն։ Այս մասին հայտարարել է Կիևի քաղաքապետ Վիտալի Կլիչկոն։
Քաղաքում տեղաշարժն առանց հատուկ անցաթղթերի արգելվել է։
«Բարդ ու վտանգավոր պահ է։ Դուրս գալ կարելի է միայն ապաստարան հասնելու համար։ Այդ պատճառով խնդրում եմ բոլոր կիևցիներին՝ նախապատրաստվել, որ երկու օր մնան տանը կամ, ահազանգի դեպքում, ապաստարանում»,- ընդգծել է Կլիչկոն։
Նշվում է, որ մարտի 15-ի առավոտյան հրթիռակոծության ընթացքում արկերն ընկել են երեք բազմահարկ բնակելի շենքերի վրա։
Ներկայում Կիևը պաշտպանվում է մի քանի ուղղություններով։ Մարտեր են ընթանում Բրովարսկի շրջանում, Իրպինում, Բուչայում և Գոստոմելում։
Տաթև Ֆռանգյան
