16.09.2026 | 19:25
Կախած վիճակում կոշիկդ հանելու եմ. Փաշինյանը` Լևոն Քոչարյանին. ՏԵՍԱՆՅՈՒԹ
Լեհաստանի, Չեխիայի և Սլովենիայի վարչապետները մեկնում են Կիև՝ Զելենսկիի հետ հանդիպման
Քաղաքականություն
15.03.2022 | 13:21
Լեհաստանի, Չեխիայի և Սլովենիայի վարչապետներն այսօր մեկնում են Կիև՝ Ուկրաինայի նախագահի ու վարչապետի հետ բանակցությունների։ Այս մասին ասվում է Լեհաստանի կառավարության կայքում, փոխանցում է ՏԱՍՍ-ը։
«Նախարարների խորհրդի նախագահ Մատեուշ Մորավիեցկին և նախարարների խորհրդի փոխվարչապետ, Ազգային անվտանգության և պաշտպանության կոմիտեի նախագահ Յարոսլավ Կաչինսկին, Չեխիայի վարչապետ Պետր Ֆիալայի և Սլովենիայի վարչապետ Յանեշ Յանսայի հետ այսօր Եվրոպայի խորհրդի ներկայացուցիչների կարգավիճակում մեկնում են Կիև՝ Ուկրաինայի նախագահ Վլադիմիր Զելենսկիի և վարչապետ Դենիս Շմիգալի հետ հանդիպման»,- ասվում է հայտարարության մեջ։
Նշվում է, որ այցի նպատակն է հաստատել Եվրամիության անվերապահ աջակցությունը Ուկրաինայի ինքնիշխանությանն ու անկախությանը, ինչպես նաև աջակցության լայն փաթեթ ներկայացնել ուկրաինական պետությանն ու հասարակությանը։
Այցը կազմակերպվել է Եվրոպական խորհրդի նախագահ Շառլ Միշելի ու Եվրահանձնաժողովի նախագահ Ուրսուլա ֆոն դեր Լյայենի համաձայնությամբ։
Էմմա Չոբանյան
