16.12.2025 | 09:40
ՀՀ որոշ շրջաններում ձյուն է տեղում․ ինչ իրավիճակ է ճանապարհներին
Մարիուպոլի ծննդատան ռմբակոծությունը հղի կնոջ կյանք է խլել
Քաղաքականություն
14.03.2022 | 20:30
Ուկրաինական Մարիուպոլի ծննդատան ռմբակոծության հետևանքով հղի կին է մահացել։ Բժիշկներին չի հաջողվել փրկել նաև երեխայի կյանքը, հայտնում է Al Jazeera-ն։
Նշվում է, որանցյալ շաբաթ տարածված լուսանկարները, որոնցում երևում էր հարձակումը, թե ինչպես են կնոջը պատգարակով շտապօգնության մեքենա տեղափոխում։
Associated Press-ի լրագրողների նկարահանած լուսանկարներում երևում է, թե ինչպես են կնոջը պատգարակով շտապօգնության մեքենային մոտոեցնում։ Կնոջը տեղափոխել են մեկ այլ հիվանդանոց՝ նույնիսկ ավելի մոտ առաջնագծին, որտեղ բժիշկները պայքարել են նրա կյանքի համար:
Վիրաբույժ Թիմուր Մարինը կնոջը գտել է կոնքը ջախջախված և ազդրը կտրված: Նա պատմել է, որ բժիշկները կեսարյան հատում են իրականացրել, սակայն երեխան «կենդանության նշաններ չի ցույց տվել»։ Մահացել է նաև մայրը։
«Մորը 30 րոպեից ավելի վերակենդանացնելու փորձերն արդյունք չտվեցին։ Երկուսն էլ մահացան»,- ասել է Մարինը։
Էմմա Չոբանյան
