26.11.2024 | 22:26
Իմ կալանքը ծառայում է Ադրբեջանի բռնապետության և նրա հանցակից ռուսական կայսրության շահերին․ Ադրբեջանում բանտարկված դիվանագետ
Ռուս-ուկրաինական բանակցությունները նախատեսված են երկուշաբթի. Պեսկով
Քաղաքականություն
13.03.2022 | 22:05
Ռուս-ուկրաինական բանակցություններն այժմ չեն ընթանում, դրանք նախատեսված են երկուշաբթի, «ՌԻԱ Նովոստի»-ին ասել է ՌԴ նախագահի մամուլի քարտուղար Դմիտրի Պեսկովը։
Ավելի վաղ Reuters-ը, վկայակոչելով Վլադիմիր Զելենսկու խորհրդականին, հայտնել էր, որ Ռուսաստանի Դաշնության և Ուկրաինայի միջև բանակցություններ են ընթանում։
«Ոչ, բանակցությունները նախատեսված են վաղը»,- ասել է Պեսկովը՝ պատասխանելով հարցին, թե ճի՞շտ են տեղեկությունները, որ Ռուսաստանի Դաշնության և Ուկրաինայի միջև բանակցություններ են ընթանում հենց հիմա։
Ավելի վաղ ռուսական պատվիրակության անդամ, Պետդումայի միջազգային հարաբերությունների հանձնաժողովի ղեկավար Լեոնիդ Սլուցկին ասել է, որ բանակցային գործընթացի սկզբի համեմատ Մոսկվան և Կիևը զգալի առաջընթաց են գրանցել արդյունքի հասնելու հարցում։ Նրա խոսքով՝ այս առաջընթացը կարող է «առաջիկա մի քանի օրվա ընթացքում վերածվել երկու պատվիրակությունների միասնական դիրքորոշման, փաստաթղթերի ստորագրման»։
Հիշեցնենք, որ փետրվարի 24-ին ՌԴ նախագահ Վլադիմիր Պուտինը հայտարարել է Ուկրաինայում հատուկ ռազմական գործողության մասին՝ ի պատասխան Դոնբասի հանրապետությունների ղեկավարների օգնության դիմումի։ Դրանից հետո ԱՄՆ-ը, ԵՄ-ն, Մեծ Բրիտանիան, ինչպես նաև մի շարք այլ երկրներ պատժամիջոցներ են սահմանել ՌԴ-ի դեմ։
