16.09.2026 | 20:43
Իհարկե պատրաստվում եմ առաջիկա ընտրություններին. Տիգրան Ավինյան. ՏԵՍԱՆՅՈՒԹ
Մենք ոչնչացրել ենք ռուսական զորքերի մեկ երրորդը․ Արեստովիչ
Քաղաքականություն
12.03.2022 | 18:48
Ուկրաինայի նախագահի աշխատակազմի ղեկավարի խորհրդական Ալեքսեյ Արեստովիչը շաբաթ օրը ՝ մարտի 12-ին, ճեպազրույցի ժամանակ հայտարարել է, որ Ուկրաինան արդեն ոչնչացրել է ռուսական զորքերի մեկ երրորդը, իսկ հակառակորդի զորքերի զգալի մասը սպառել է հարձակողական հնարավորությունները։
«Ամենախոշոր ռազմական ուղղություններում հակառակորդը սպառել է իր հարվածային խմբերը և անցել է պաշտպանության։ Դա վերաբերում է Կիևի ուղղությանը, Չերնիգովսկուն, Սումսկուն, Խարկովին և հարավին, որտեղ հակառակորդի առանձին ուժեր փորձում են առաջ շարժվել, բայց զոհվում են Ուկրաինայի ԶՈՒ հարվածի տակ»,- Korrespondent.net-ի փոխանցմամբ՝ ասել է Արեստովիչը։
Ըստ նրա՝ միակ ուղղությունը, որտեղ այս պահին փորձ է արվում ճեղքում իրականացնել, դա Վոլնովախիի շրջանն է, Սևերոդոնեցկան և Մարիուպոլը, որն այժմ Ուկրաինայի ամենացավոտ կետն է։
«Մեր հրամանատարության տվյալներով՝ հակառակորդը փետրվարի 24-ից սկսած 90-ից ավելի գումարտակային մարտավարական խմբեր է կիրառել Ուկրաինայի տարածքում։ Նրանցից ավելի քան 30-ը ոչնչացվել կամ բերվել է անաշխատունակ վիճակի»,- հայտնել է Արեստովիչը:
«Այսինքն՝ մենք ջախջախել ենք հակառակորդի զորքերի մեկ երրորդը։ Հիմա նա փորձում է պաշարները համալրել ինչ-որ տեղ Կովկասում, Ղրիմում, ԼԺՀ-ում և Ռուսաստանում՝ մասնակի մոբիլիզացիա կատարելով։ Նա փորձում է մինչև 20 հազար մարդուց խմբավորում ստեղծել և մի քանի շաբաթվա ընթացքում նրանց նետել ճակատ՝ փորձելով բեկում մտցնել իրավճակում»,- ասել է Արեստովիչը։
Նա նաև հիշեցրել է նախագահ Վլադիմիր Զելենսկու խոսքերն այն մասին, որ ռազմավարական բեկումն արդեն սկսվել է, թեև հաղթանակի համար դեռ պետք է պայքարել:
