26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Պուտինը հայտարարել է Ուկրաինայի հետ բանակցություններում դրական տեղաշարժի մասին
Քաղաքականություն
11.03.2022 | 20:15
Ուկրաինայի հետ բանակցություններում հաջողվել է հասնել դրական տեղաշարժերի։ Այս մասին հայտարարել է ՌԴ նախագահ Վլադիմիր Պուտինը Բելառուսի նախագահ Ալեքսանդր Լուկաշենկոյի հետ բանակցություններում, գրում է ՌԻԱ Նովոստին։
«Ես, իհարկե, Ձեզ կտեղեկացնեմ ուկրաինական ուղղությամբ իրավիճակի մասին, հիմա ինչպես են ընթանում բանակցությունները, որոնք ամենօրյա ռեժիմով են անցկացվում։ Կան որոշակի դրական տեղաշարժեր, ինչպես ինձ զեկուցել են մեր կողմի բանակցողները»,- ասել է Պուտինը։
Հավելենք, որ նախօրեին Անթալիայում հանդիպել էին ՌԴ-ի և Ուկրաինայի ԱԳ նախարարները։ Սերգեյ Լավրովը հայտարարել էր, որ ուկրաինական կողմին են փոխանցել ռուսական առաջարկները, որոնց Կիևը շուտով պատասխանելու է։
Էմմա Չոբանյան
