18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Թուրքիայի ռազմական արտահանումն Ուկրաինա 2022թ․ երկու ամիսներին աճել է ավելի քան 5000 տոկոսով
Քաղաքականություն
11.03.2022 | 19:43
Թուրքիայի պաշտպանական արդյունաբերության արտահանումն Ուկրաինա 2022 թվականի առաջին երկու ամիսներին աճել է ավելի քան 5000 տոկոսով, գրում է Middle East Eye-ը։
Ըստ Թուրքիայի արտահանողների ասամբլեայի տվյալների՝ արտահանման ընդհանուր արժեքը հասել է 59 միլիոն դոլարի՝ նախորդ տարվա նույն ժամանակահատվածի 970․000 դոլարի դիմաց։
Թուրքիան սերտ անվտանգային հարաբերություններ է կառուցել Ուկրաինայի հետ ՝ 2019 թվականին մատակարարելով հայրենական արտադրության Bayraktar TB2 անօդաչու թռչող սարքերի առաջին խմբաքանակը, առաջ մղելով տեխնոլոգիան համատեղ արտադրելու ծրագրերը:
Սակայն Ուկրաինայում պատերազմն Անկարային ստիպել է նվազեցնե լ զենքի վաճառքի կարևորությունը՝ վախենալով Մոսկվայի մեկուսացումից։ Սակայն լրատվամիջոցը, իր աղբյուրներին վկայակոչելով, գրում է, որ պատերազմից ի վեր Կիևն Անկարայից անօդաչու սարքեր է ստացել։
Ռազմական գործողությունների լուսանկարները նաև ցույց են տալիս, որ ուկրաինական ուժերն օգտագործում են թուրքական արտադրության այլ զինտեխնիկա, այդ թվում՝ ռադիոկապի միջոցներ, զրահաբաճկոններ և սաղավարտներ։
Թուրքիայի ԱԳ փոխնախարար Յավուզ Սելիմ Քըրանն անցյալ շաբաթ հայտարարել էր, որ զենքի վաճառքը առևտրային գործարք է մասնավոր արտադրողների հետ և Թուրքիայի կողմից Ուկրաինային ռազմական օգնություն չի կարող գնահատվել։
Էմմա Չոբանյան
