16.09.2026 | 20:30
ՌԴ-ն նոր պատժամիջոցներ կկիրառի՝ հենց ՀՀ-ն որոշի ռազմաբազան հեռացնել․ Դավիթ Կարապետյան․ ՏԵՍԱՆՅՈՒԹ
Մեծ Բրիտանիայի ԱԳ նախարարը կոչ է արել ուժեղացնել Պուտինի վրա ճնշումը՝ նոր պատժամիջոցներ կիրառել
Քաղաքականություն
11.03.2022 | 14:54
Մեծ Բրիտանիայի ԱԳ նախարար Լիզ Թրասը կոչ է արել արևմտյան դաշնակիցներին «խստացնել կապանքները» ՌԴ նախագահի նկատմամբ և Մոսկվայի դեմ լրացուցիչ պատժամիջոցներ կիրառել։ Նա նշել է, որ Պուտինը կարող է դիմել «ավելի ու ավելի ծայրահեղ բռնությունների», որի վկայությունը Մարիուպուլի ծննդատան վրա հարձակումն է։
The Telegraph-ի հետ զրույցում Թրասը նշել է, որ «Պուտինին չպետք է զիջել, նա պետք է տեսնի Ուկրաինայում պարտությունը»։ Նա կոչ է արել ՌԴ-ին ամբողջությամբ անջատել SWIFT միջազգային վճարային համակարգից:
Բրիտանացի պաշտոնյան ասել է, որ Արևմուտքը պետք է «Պուտինի վրա ճնշումները պահպանի»՝ հավելելով, որ ցանկանում է հստակ ժամկետ տեսնել G7-ում՝ ռուսական նավթից ու գազից կախվածության նվազման վերաբերյալ։
ԱՄՆ պետքարտուղար Էնթոն Բլինքենի հետ հանդիպումից հետո Թրասը նաև նշել է, որ քննարկել են ավելի շատ պատժամիջոցներ սահմանելու և դրանք խստացնելու հարցը։
Ըստ նրա՝ պատժամիջոցներն արդեն իսկ ազդում են Ռուսաստանի տնտեսության վրա, և երկիրը հետ է մղվել նախագլոբալիզացիայի շրջան։
Էմմա Չոբանյան
