07.11.2024 | 09:46
Այց Շվեդիա՝ ԵԽ «Կանանց նկատմամբ բռնության հաղթահարումը և գենդերային հավասարության ամրապնդումը Հայաստանում» ծրագրի շրջանակներում
Ղազախստանի բանկերում կանխիկ դոլարի պակաս է գրանցվել
Քաղաքականություն
11.03.2022 | 14:35
Ղազախստանի շատ բանկեր կանխիկ դոլարի պակաս են զգում, «Ինտերֆաքս-Ղազախստանին» հայտնել է բանկային շրջանակից աղբյուրը:
«Ղազախստանում կանխիկ դոլարի պակաս կա։ Շատ բանկեր կանխիկ դոլար չունեն։ Դա պայմանավորված է այլ երկրներից Ղազախստան կանխիկ արժույթի առաքման ժամանակի ավելացմամբ։ Օդանավերի կանոնավոր թռիչքները նույնպես երկարել են՝ Ուկրաինայի և Ռուսաստանի օդային տարածքները շրջանցելու պատճառով»,- ասել է գործակալության զրուցակիցը։
Աղբյուրի հավաստմամբ՝ կանխիկ դրամի պակասը «ժամանակավոր երևույթ է»։ Ղազախստանի Կենտրոնական բանկը և մասնավոր բանկերն այժմ վերակառուցում են կանխիկ դոլարի մատակարարումը, որպեսզի արագացնեն դրանց մատակարարումը արտերկրից, նշել է նա։
Ղազախստանի Ազգային բանկը դեռևս չի մեկնաբանել ստեղղծված իրավիճակը։
Տաթև Ֆռանգյան
