16.09.2026 | 19:14
Համաշխարհային օլիմպիադա. Շախմատի Հայաստանի հավաքականները մեկնարկեցին հաղթանակով
Ռուս 15 լրագրող ուկրաինական պատերազմի ֆոնին Թուրքիայի է մեկնել՝ ՌԴ-ում ԶԼՄ-ի գործունեության սահմանափակումներից հետո
Քաղաքականություն
10.03.2022 | 23:07
15 լրագրողներ, որոնք լքել են Ռուսաստանը՝ Ուկրաինա ներխուժման կապակցությամբ ԶԼՄ-ների նկատմամբ կիրառված խիստ սահմանափակումների հետևանքով, ժամանել են Թուրքիա, հայտնում են թուրքական լրատվամիջոցները։
«Լրագրողներն այլ ելք չունեին, քան լքել երկիրը, այն բանից հետո, երբ Ռուսաստանը փակեց Արևմտյան լրատվամիջոցները և թելադրեց իր ազգային լրատվամիջոցներին, թե ինչ պետք է հաղորդել Ուկրաինայի պատերազմի հետ կապված»,- Bianet-ի հետ զրույցում ասել է «Լրագրողներ առանց սահմանների» (RSF) կազմակերպության Թուրքիայի ներկայացուցիչ Էրոլ Օնդերօղլուն:
Նշենք, որ օրերս ՌԴ Պետդուման օրենք է ընդունել, որով մինչև 15 տարվա ազատազրկում է սահմանվում ռազմական ոլորտի մասին «միտումնավոր կեղծ լուրեր տարածելու համար»։
Մի շարք արևմտյան լրատվամիջոցներ, այդ թվում՝ BBC-ն, CNN International-ը և Bloomberg-ը, դրանից հետո դադարեցրել են իրենց գործունեությունը Ռուսաստանում: Ռուսական բազմաթիվ անկախ լրատվամիջոցներ նույնպես դադարեցրել են իրենց աշխատանքը:
Օնդերօղլուն ասել է, որ լրագրողներից շատերը եկել են Թուրքիա։
«Նրանց նպատակն է՝ գնալ երկրներ, որտեղ ունեն ընտանիքի անդամներ կամ երկրներ, որտեղ կարող են լրագրությամբ զբաղվել իրենց լեզվով»,- նշել է նա։
Հաղորդվում է, որ, ընդհանուր առմամբ, մոտ 150 լրագրող է լքել Ռուսաստանը, նրանցից շատերն աշխատում էին անկախ լրատվամիջոցներում։
Էմմա Չոբանյան
