16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Գերմանիայի նախկին կանցլերը Մոսկվայում է՝ Ուկրաինայի հարցով Պուտինի հետ հանդիպելու համար․ POLITICO
Քաղաքականություն
10.03.2022 | 19:40
Գերմանիայի նախկին կանցլեր Գերհարդ Շրյոդերը գտնվում է Մոսկվայում, որտեղ մտադիր է հանդիպել ՌԴ նախագահ Վլադիմիր Պուտինի հետ՝ Ուկրաինայում պատերազմին վերջ տալու միջնորդական ջանքերի շրջանակում։ Այս մասին POLITICO-ին հայտնել են իրավիճակին ծանոթ աղբյուրները:
Նշվում է, որ Շրյոդերը սուր քննադատության է ենթարկվել Գերմանիայում և արտերկրում՝ Պուտինի՝ Ուկրաինա ներխուժելուց հետո Մոսկվայի հետ սերտ կապերը չխզելու համար։ Նույնիսկ նրա գրասենյակի աշխատակիցներից մի քանիսը հրաժարական են տվել անցյալ շաբաթ այն բանից հետո, երբ նա պնդել է, որ պահպանելու է Կրեմլի հետ կապված էներգետիկ հսկաներ «Ռոսնեֆտ»-ում և «Գազպրոմ»-ում իր պաշտոնները։
Շրյոդերը Գերմանիայի կանցլերի պաշտոնը զբաղեցրել է 1998-2005 թվականներին:
Լրատվամիջոցը, իր աղբյուրներին վկայակոչելով, գրում է, որ Շրյոդերի Մոսկվա այցը հաջորդել է Ստամբուլում ուկրաինացի քաղաքական գործչի հետ բանակցություններին, որը հանդիսանում է Ռուսաստանի հետ խաղաղ բանակցություններում երկրի պատվիրակության անդամ։
Էմմա Չոբանյան
