19.05.2026 | 12:54
«Միասնության թևեր»-ի քարոզարշավը․ ՈՒՂԻՂ
Լավրովը հաստատել է ՌԴ զինուժի կողմից Մարիուպոլի ծննդատան ռմբակոծությունը
Քաղաքականություն
10.03.2022 | 16:02
ՌԴ արտգործնախարար Սերգեյ Լավրովը հաստատել է ռուսական զինուժի կողմից Մարիուպոլի ծննդատանը հարված հասցնելը։ UNIAN-ի փոխանցմամբ՝ այս մասին նա հայտարարել է Անթալիայում Ուկրաինայի ԱԳՆ ղեկավար Դմիտրի Կուլեբայի հետ հանդիպման արդյունքներով հրավիրված մամլո ասուլիսի ժամանակ։
«ՄԱԿ-ի Անվտանգության խորհրդի նիստում մեր պատվիրակության կողմից ներկայացվեցին փաստեր, որ այս ծննդատունը վաղուց գրավվել է «Ազովի» գումարտակի և այլ ռադիկալների կողմից, բոլոր ծննդկաններին, ամբողջ բուժանձնակազմին վտարել են այնտեղից: Դա եղել է ուլտրածայրահեղական «Ազով» գումարտակի բազան։ Այս տվյալները ներկայացրել ենք երեք օր առաջ, հետևաբար՝ ինքներդ եզրակացություններ արեք»,- ասել է Լավրովը։
Տաթև Ֆռանգյան
