18.12.2025 | 09:33
Երևան-Երասխ ավտոճանապարհին մառախուղ է
ԵՄ-ն ինքնաթիռներ չի մատակարարի Ուկրաինային. Բորել
Քաղաքականություն
10.03.2022 | 15:48
ԵՄ դիվանագիտության ղեկավար Ժոզեպ Բորելն ասել է, որ անհրաժեշտ է ինչպես օգնել Ուկրաինային, այնպես էլ խուսափել այս երկրում իրավիճակի սրումից։
«Մենք պետք է օգնենք Ուկրաինային, բայց պետք է խուսափենք էսկալացիայից»,- ասել է Բորելը France Enfo ռադիոկայանի եթերում, փոխանցում է SWI-ը։
Նա ընդգծել է, որ ԵՄ-ն ինքնաթիռներ չի մատակարարի Ուկրաինային՝ միաժամանակ հավելելով, որ հաշվի է առնում, որ ԵՄ անդամ երկրները դա կարող են անել սեփական նախաձեռնությամբ։
Ուկրաինական ճգնաժամը և դրա հետևանքները կլինեն մարտի 10-ին և 11-ին Վերսալում (Ֆրանսիա) ԵՄ պետությունների և կառավարությունների ղեկավարների ոչ պաշտոնական հանդիպման քննարկումների առանցքը, ավելի վաղ հայտարարել էր Եվրոպական խորհրդի նախագահ Շառլ Միշելը: ԵՄ բարձրաստիճան պաշտոնյան նախօրեին իր հերթին ասել է, որ, ինչպես և սպասվում է՝ գագաթնաժողովի ընթացքում կքննարկվի նաև Ուկրաինայի՝ ԵՄ-ին միանալու խնդրանքը։
Հիշեցնենք, որ ԱՄՆ-ն վերջնականապես մերժել է Գերմանիայում գտնվող ամերիկյան Ռամշտայն ավիաբազայի միջոցով Ուկրաինային ՄիԳ-29 կործանիչներ մատակարարելու՝ Լեհաստանի առաջարկը։ Պենտագոնի խոսնակ Ջոն Քիրբին պարզաբանել էր, որ Ուկրաինա կործանիչների տեղափոխումը Ռուսաստանի կողմից կարող է ընկալվել որպես էսկալացիա, հետևաբար՝ չափազանց «մեծ ռիսկ» է պարունակում։
Տաթև Ֆռանգյան
