26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
ԱՄՆ Կոնգրեսի առաջնորդները համաձայնել են Ուկրաինային 13,6 մլրդ դոլարի օգնություն հատկացնել
Քաղաքականություն
09.03.2022 | 19:28
ԱՄՆ Կոնգրեսի առաջնորդները պայմանավորվել են Ուկրաինային ու եվրոպական դաշնակիցներին 13,6 մլրդ դոլար ֆինանսական օգնություն հատկացնել, գրում է AP-ն։
Նախագահ Ջո Բայդենն անցյալ շաբաթ 10 միլիարդ դոլար էր խնդրել ռազմական, հումանիտար և տնտեսական օգնության համար, իսկ դեմոկրատների և հանրապետականների աջակցությունն այնքան հաստատակամ էր, որ երկուշաբթի այդ ցուցանիշն աճել է՝ հասնելով 12 միլիարդ դոլարի, իսկ մեկ օր անց՝ 13,6 միլիարդ դոլարի:
«Մենք պատրաստվում ենք նրանց օգնել բռնակալության, ճնշումների, բռնի գործողությունների դեմ»,- հայտարարել էր ԱՄՆ նախագահ Ջո Բայդենը։
Ուկրաինային հատկացվող ավելի քան 4 միլիարդ դոլար օգնությունը պետք է օգնի Կիևին և Արևելյան Եվրոպայի երկրներին՝ հաղթահարելու 2 միլիոն փախստականների հոսքը, որոնք արդեն փախել են մարտերից: Եվս 6,7 միլիարդ դոլար հատկացվում է տարածաշրջանում ամերիկյան զորքերի և տեխնիկայի տեղակայմանը և ամերիկյան ռազմական ապրանքներն Ուկրաինային և ԱՄՆ դաշնակիցներին փոխանցելուն։ Ֆինանսական հատկացում է նախատեսվում նաև տնտեսական օգնության համար։
Էմմա Չոբանյան
