26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Չեռնոբիլի ԱԷԿ-ն ամբողջությամբ հոսանքազրկված է
Քաղաքականություն
09.03.2022 | 17:37
«ՈւկրԷներգոն» հայտնել է Չեռնոբիլի ԱԷԿ-ի լիարժեք հոսանքազրկման մասին։ Տեղեկացվում է, որ այս պահին հնարավոր չէ էլեկտրամատակարարման աշխատանքների վերականգնումը, հայտնում է Unian-ը։
«Ռազմական գործողությունները շարունակվում են, ինչն այս պահին անհնար է դարձնում վերանորոգման աշխատանքների իրականացումն ու էլեկտրաէներգիայի մատակարարման վերականգնումը։ «Ուկրէներգոն» հետևում է իրավիճակին ու կտեղեկացնի փոփոխությունների մասին»,- ասվում է հաղորդագրության մեջ։
Հիշեցնենք՝ այսօր ավելի վաղ ՄԱԿ-ի ատոմային վերահսկողության մարմինը հայտնել էր, որ Չեռնոբիլի ատոմակայանն այլևս տվյալներ չի փոխանցում։ ՄԱԳԱՏԷ-ն իր մտահոգությունն էր հայտնել ուկրաինական օբյեկտում ռուսական հսկողության տակ աշխատող անձնակազմի համար:
Տաթև Ֆռանգյան
