26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
ԱՄՆ-ը նախազգուշացրել է Չինաստանին՝ չխախտել ՌԴ-ի դեմ պատժամիջոցների պահանջները
Քաղաքականություն
09.03.2022 | 18:25
ԱՄՆ առևտրի նախարար Ջինա Ռայմոնդոն չինական ընկերություններին սպառնացել է արգելել ամերիկյան տեխնոլոգիաների վաճառքը, եթե նրանք խախտեն Ռուսաստանի դեմ պատժամիջոցների սահմանած կանոնները: Այս մասին գրում է The New York Times-ը։
Ռայմոնդոն ասել է, որ նախագահ Ջո Բայդենի վարչակազմը կարող է դադարեցնել SMIC-ին և այլ չիպարտադրողներին ամերիկյան արտադրության սարքավորումների վաճառքն ու ծրագրային ապահովումը:
«Նրանք իրենց շահերն ունեն՝ դրանք Ռուսաստանին չմատակարարելու համար»,- ասել է Ռայմոնդոն:
Ըստ NYT-ի՝ ԱՄՆ-ը կարող է «փակել չինական ցանկացած ընկերություն, որը կխախտի Ռուսաստան և Բելառուս չիպերի արտահանման արգելքը»: Հրատարակությունը հիշեցնում է, որ մինչ Ուկրաինա ներխուժումը Ռուսաստանը չիպերի մեծ մասը գնում էր Չինաստանից։
Տաթև Ֆռանգյան
