Երազիս եկավ, ասաց՝ ողջ եմ․ պատերազմում զոհված Սամվելի նորածին եղբայրը վերաիմաստավորել է Մանասյանների կյանքը․ ՏԵՍԱՆՅՈՒԹ

Լուրեր

17.11.2026 | 09:47
Արտարժույթների փոխարժեքները՝ նոյեմբերի 17-ի դրությամբ
17.11.2026 | 09:33
ՀՀ տարածքում ավտոճանապարհները հիմնականում անցանելի են
16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
Բոլորը

Փետրվարի 22-ին լույս աշխարհ եկած Մանվելն իր ծնունդով ուրախություն է բերել Մանասյանների ընտանիք։ 44-օրյա պատերազմում 19-ամյա որդուն՝ Սամվելին կորցնելուց հետո, Մանվելի ծնվելուն երկար են սպասել։ 22 տարվա ամուսինների համար նման որոշում կայացնելը բարդ էր, բայց  նորածինը վերաիմաստավորել է նրանց կյանքը։ Մանասյանների համար երեխայի սեռն էական չէր․ ասում են՝ կարևորը առողջ բալիկ լիներ։

Տղային Մանվել են անվանակոչել, որ նրա մեջ զոհված որդուն՝ Սամվելին չփնտրեն։ Բայց և այնպես, 14 օրական որդին ինչ-որ չափով նման է Սամվելին:

«Դիմագծերով են նման, Սամվելն էլ Մանվելի պես շատ լացկան չէր »,- ասում է հայրը՝ Համլետ Մանասյանը։

Նրանց մյուս որդին՝ Արսենը, նկարահանման պահին տանը չէր։ Նա 12-րդ դասարանում է սովորում։

Սամվելը Երևանի Զարդարվեստի պետական արհեստագործական ուսումնարանում էր սովորում, ավարտելուց հետո զորակոչվել էր բանակ։ Ծառայում էր Մատաղիսում, պաշտպանում Թալիշի դիրքերը։ Մայրը որդու մասին խոսելիս ասում է՝ բարի էր ու կամեցող, ոչ ոքի նեղություն չէր տալիս։ 2019 թվականին բանակ զորակոչված Սամվելը մի քանի ամսից տուն էր վերադառնալու։ Մոր հետ վերջին անգամ հոկտեմբերի 12-ին են զրուցել, ասել է, որ էլ չի զանգելու, կապի խնդիր կա։ Մի քանի օր անց՝ հոկտեմբերի 17-ին, զոհվել է անօդաչու թռչող սարքի հարվածից։ Սոնան հիմա որդուն երազում է տեսնում, ասում է՝ այդ օրը մի լավ բան է տեղի ունենում․ Մանվելի ծնվելուց առաջ էլ Սամվելին էր երազում տեսել։

«Մրգեր էր ինձ բերել, մտածեցի՝ մի լավ բան կլսեմ, հետո իմացա, որ երեխայի եմ սպասում»,- պատմում է Սոնան։

22 տարվա ամուսինները չեն բացառում, որ էլի երեխա կունենան։ Իսկ պատերազմում որդի կորցրած մյուս մայրերին Սոնան խորհուրդ է տալիս չերկմտել և վերաիմաստավորել կյանքը։

Մանրամասները՝ տեսանյութում։

Արփի Հակոբյան