08.02.2026 | 22:09
Չեխիայի իշխանությունները ցանկանում են երեխաներին արգելել օգտվել սոցիալական ցանցերից
Զելենսկին պատրաստ է Ռուսաստանի հետ բանակցել Ղրիմի և Դոնբասի շուրջ
Քաղաքականություն
08.03.2022 | 17:57
Ուկրաինայի նախագահ Վլադիմիր Զելենսկին հայտարարել է, որ պատրաստ է բանակցել ինքնահռչակ Դոնեցկի և Լուգանսկի ժողովրդական հանրապետությունների և Ռուսաստանի կողմից բռնակցված Ղրիմի կարգավիճակի շուրջ։ Միևնույն ժամանակ, նա զգուշացրել է, որ չի տրվելու Մոսկվայի պահանջներին, որը պատերազմ է սանձազերծել Ուկրաինայի տարածքում և պահանջում է ճանաչել ինքնահռչակ Դոնեցկի և Լուգանսկի ժողովրդական հանրապետությունների անկախությունը, ինչպես նաև Ղրիմը Ռուսաստանի Դաշնություն կազմում ներառելը։
«Ես պատրաստ եմ երկխոսության, բայց մենք պատրաստ չենք կապիտուլյացիայի»,- ասել է Ուկրաինայի նախագահը ABC News-ին տված հարցազրույցում։
Ըստ Զելենսկու՝ Կիևը և Մոսկվան կարող են փոխզիջում փնտրել Դոնբասի և Ղրիմի ապագայի վերաբերյալ։ Միաժամանակ, կարևոր է հաշվի առնել այս շրջանների այն բնակիչների վիճակը, որոնք չեն ցանկանում մնալ Ուկրաինայի կազմում։
Բացի այդ, Վլադիմիր Զելենսկին հերթական անգամ կոչ է արել Ռուսաստանի նախագահ Վլադիմիր Պուտինին ուղիղ բանակցություններ վարել։
Տաթև Ֆռանգյան
