10.05.2025 | 14:22
Լուլա դա Սիլվան Չինաստանի և Ֆրանսիայի իշխանությունների հետ կքննարկի Ուկրաինայի հարցը
Հունվարին ՀՀ-ից ԵՄ երկրներ արտահանումը կրկնապատկվել է․ վիճակագրական տվյալներ
Տնտեսություն
08.03.2022 | 18:15
Հայաստանից արտահանումն աճել է 53%-ով՝ կազմելով 249 մլն դոլար` նախորդ տարվա 162 մլն 559 հազար դոլարի փոխարեն։ Սա այս տարվա հունվարի տվյալներն են՝ նախորդ տարվա նույն ամսվա համեմատ, տեղեկանում ենք Վիճակագրական կոմիտեի հրապարակած տվյալներից։
Ըստ արտահանման երկրների՝ առաջին տեղը զբաղեցնում է Ռուսաստանը՝ ընդհանուր արտահանման ծավալի 27․1% ցուցանիշով (նախորդ տարվա 30,5%-ի փոխարեն), որին հաջորդում է Չինաստանը՝ 14.5%-ով (նախորդ տարվա 19,5 %-փոխարեն)։ Շուրջ 9-ական %-ով այս երկրներին հաջորդում են Նիդեռլանդներն ու Շվեյցարիան, 6%-ով՝ Իրաքը։
Ընդհանուր առմամբ՝ դեպի ԵԱՏՄ երկրների տեսակարար կշիռը արտահանման մեջ 1 տարվա կտրվածքով նվազել է՝ նախորդ տարվա 31․2%-ի փոխարեն կազմելով 28․4%։ Ավելացել է դեպի ԵՄ երկրներ արտահանումը՝ նախորդ տարվա 17.1%-ի փոխարեն կազմելով 22.7%:
ԵՄ երկրներից Հայաստանն ամենաշատն ապրանք է արտահանում Նիդեռլանդներ՝ 9,4%, Բուլղարիա՝ 5,9%, Իտալիա՝ 1,5%, Բելգիա` 1.4%։
Իսկ գումարային հաշվարկով՝ ԵՏՄ երկրներ արտահանումն ավելացել է 39.3%-ով՝ կազմելով 70 մլն 680 հազար դոլար, իսկ ԵՄ երկրներ արտահանումն աճել է 2 անգամ՝ կազմելով 56 մլն 530 հազար դոլար։
Անժելա Պողոսյան
