08.06.2026 | 22:58
Հայտնի է նոր Ազգային ժողովի առաջին նիստի օրը
Ալիևը Մակրոնին ուղղված նամակում կրկին խոսել է Հայաստանի հետ խաղաղության համաձայնագրի բանակցությունների հարցում պատրաստակամությունից
Քաղաքականություն
07.03.2022 | 21:25
Ադրբեջանի նախագահ Իլհամ Ալիևը Ֆրանսիայի հետ դիվանագիտական հարաբերությունների հաստատման 30-ամյակի կապակցությամբ այդ երկրի նախագահ Էմանուել Մակրոնին ուղղված նամակում անդրադարձել է նաև Հայաստանին, գրում են ադրբեջանական լրատվամիջոցները։
Ալիևը կրկին խոսել է ՀՀ-ի հետ խաղաղության պայմանագիր կնքելու մասին, սակայն, ինչպես միշտ, ադրբեջանական նախապայմաններով։
«Մենք պատրաստ ենք Հայաստանի հետ խաղաղության համաձայնագրի շուրջ բանակցություններ սկսել՝ հիմնված միջազգային իրավունքի սկզբունքների վրա, ինչպիսին են տարածքային ամբողջականությունը, ինքնիշխանությունն ու միջազգայնորեն ճանաչված սահմանների անձեռնմխելիությունը։ Ընդգծելով այս հարցում Հայաստանի կառուցողական դիրքորոշման կարևորությունը՝ հույս ունենք, որ Ֆրանսիան կաջակցի տարածաշրջանում խաղաղության օրակարգին»,- նշել է Ալիևը։
Էմմա Չոբանյան
