18.12.2025 | 22:20
Վթար Ներքին Դվին գյուղում․ կան տուժածներ
Կանադան պատժամիջոցներ է սահմանում Պեսկովի, Դերիպասկայի, Սիմոնյանի, Սոլովյովի ու այլոց նկատմամբ
Քաղաքականություն
07.03.2022 | 21:06
Կանադայի իշխանությունները պատժամիջոցներ են սահմանում Ռուսաստանից ևս 10 անձի նկատմամբ՝ Ուկրաինայում ռազմական գործողությունների պատճառով։ Այս մասին երկուշաբթի հրավիրված ասուլիսում հայտարարել է Կանադայի վարչապետ Ջասթին Թրյուդոն, գրում է ՏԱՍՍ-ը։
«Այսօր Կանադան կհայտարարի նոր պատժամիջոցների մասին 10 անձանց նկատմամբ, որոնք ներգրավված են այս անհիմն ներխուժման մեջ: Ցուցակում ընդգրկված են նախկին և ներկա բարձրաստիճան պաշտոնյաներ, օլիգարխներ, Ռուսաստանի ղեկավարության կողմնակիցներ»,- ասել է նա։
Ըստ հրապարակված ցուցակի՝ Կանադայի պատժամիջոցների ցանկում հայտնվել են ՌԴ նախագահի մամուլի խոսնակ Դմիտրի Պեսկովը, հաղորդավար Վլադիմիր Սոլովյովը, RT-ի գլխավոր խմբագիր Մարգարիտա Սիմոնյանը, միլիարդատեր Օլեգ Դերիպասկան և այլք։
Էմմա Չոբանյան
