18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Կրեմլից նշել են Ուկրաինայում ռազմական գործողությունները դադարեցնելու պայմանները․ Reuters
Քաղաքականություն
07.03.2022 | 17:38
Կրեմլի խոսնակ Դմիտրի Պեսկովը հայտարարել է, որ Ռուսաստանը պահանջում է Ուկրաինայից դադարեցնել ռազմական գործողությունները, փոխել երկրի Սահմանադրությունը՝ ամրագրելով չեզոքություն, Ղրիմը ճանաչել որպես Ռուսաստանի տարածք և ճանաչել ինքնահռչակ Դոնեցկի և Լուգանսկի հանրապետությունների անկախությունը։ Reuters-ի հետ զրույցում Պեսկովն ասել է, որ ՌԴ-ն Ուկրաինային ասել է, թե պատրաստ է դադարեցնել ռազմական գործողություններն «այն պահին», երբ Կիևը կընդունի իրենց պայմանները։
ՌԴ նախագահի խոսնակը հայտնել է, որ Ուկրաինան տեղյակ է այս պայմանների մասին։
«Եվ նրանց ասվել է, որ այս ամենը մեկ րոպեում կդադարեցվի։ Նրանք պետք է փոփոխություններ կատարեն Սահմանադրության մեջ, ըստ որի՝ Ուկրաինան կմերժի որևէ դաշինքի անդամակցելու ցանկացած նպատակ։ Սա հնարավոր է միայն սահմանադրության փոփոխություններով»,- ասել է Դմիտրի Պեսկովը։
Նա նաև ընդգծել է, որ ՌԴ-ն այլ տարածքային պահանջներ չունի Ուկրաինայի նկատմամբ։
«Մենք իսկապես ավարտում ենք Ուկրաինայի ապառազմականացումը։ Մենք այն կավարտենք։ Բայց գլխավորն այն է, որ Ուկրաինան դադարեցնի իր ռազմական գործողությունները, և հետո ոչ ոք չպետք է կրակի։ Նրանք պետք է փոփոխություններ անեն իրենց Սահմանադրության մեջ, որով Ուկրաինան կմերժի որևէ դաշինքին միանալը։ Մենք խոսել ենք նաև այն մասին, թե ինչպես պետք է ճանաչեն, որ Ղրիմը Ռուսաստանի տարածք է, և որ իրենք պետք է ճանաչեն, որ Դոնեցկն ու Լուգանսկն անկախ պետություններ են։ Սա՛ է»,- ասել է Պեսկովը լրատվամիջոցի հետ զրույցում։
Հավելենք, որ այսօր տեղի է ունենալու ՌԴ-ի և Ուկրաինայի միջև բանակցությունների երրորդ փուլը։
Էմմա Չոբանյան
