16.09.2026 | 21:56
Հնդկաստանի նորանշանակ դեսպանը իր հավատարմագրերի պատճենն է հանձնել Հայաստանի ԱԳՄԱ նախարարի տեղակալին
Կիևի մոտ թեժ մարտեր են ընթանում. Կլիչկո
Քաղաքականություն
07.03.2022 | 18:22
Կիևի մոտ կատաղի մարտեր են ընթանում։ Այս մասին հայտարարել է Կիևի քաղաքապետ Վիտալի Կլիչկոն, գրում է korrespondent-ը։
«Թշնամին առանձնահատուկ կատաղությամբ ոչնչացնում է Բուչան, Գոստոմելը, Վորզելը, Իրպինը, նպատակաուղղված սպանում են խաղաղ բնակիչներին։ Գոստոմել համայնքի ղեկավար Յուրի Պրիլիպկոն մահացել է, երբ հաց ու դեղորայք էր բաժանում մարդկանց։ Հիշատակդ լուսավո՛ր լինի»,- ասել է Կլիչկոն իր տեսաուղերձում։
Նրա խոսքով՝ Կիևը մարդասիրական օգնություն է ուղարկում Ուկրաինայի այլ քաղաքներ։
«Կիևը մարդասիրական օգնություն է ուղարկել Չեռնիգով: Մենք փորձում ենք այն հասցնել Բուչա և Գոստոմել: Մենք հումանիտար մատակարարումներ ենք կազմում մի քանի այլ քաղաքների համար: Մայրաքաղաքը պատրաստվում է պաշտպանության: Ես խնդրում եմ բոլոր կիևցիներին հանգստություն պահպանել: Մնացեք տանը կամ, տագնապի ազդանշանի դեպքում, ապաստարաններում։ Կիևը կկանգնի, միասին կդիմակայենք։ Փա՛ռք Ուկրաինային»,- ասել է Կլիչկոն։
Տաթև Ֆռանգյան
