06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Պենտագոնի գնահատականներով՝ ՌԴ-ն արդեն Ուկրաինա է ուղարկել սահմանին կենտրոնացված զորքերի 95%-ը․ Washington Examiner
Քաղաքականություն
07.03.2022 | 12:47
Պենտագոնի գնահատականներով՝ Ռուսաստանն արդեն Ուկրաինա է ուղարկել սահմանին կենտրոնացված զորքերի 95%-ը, գրում է Washington Examiner-ը։
«Ռուսաստանում և Բելառուսում ուկրաինական սահմանի երկայնքով (նախկինում) տեղակայված մոտ 170 հազար զինվորականներից մոտ 95%-ն այժմ գտնվում է Ուկրաինայի ներսում»,- ասվում է զեկույցում։
Ընդ որում, ուրբաթ, ըստ Պենտագոնի գնահատականի, այս ցուցանիշը գնահատվել է մինչև 92%։
Պենտագոնը նաև անցած օրվա ընթացքում «սահմանափակ փոփոխություններ է նկատել տեղանքում». մինչ ռուսական ուժերը «շարունակում էին Կիևը, Խարկովը և Չեռնիգովը մեկուսացնելու և հյուսիսից ու արևելքից առաջխաղացման իրենց ջանքերը, նրանք հանդիպել են ուկրաինացիների ուժեղ դիմադրությանը»:
Մեծ Բրիտանիայի Պաշտպանության նախարարության տվյալներով էլ՝ հանգստյան օրերին Ռուսաստանը նվազագույն առաջխաղացում է ունեցել Ուկրաինայի տարածքում։
Բրիտանական պաշտպանական գերատեսչությունում նշել են, որ վերջին 24 ժամվա ընթացքում ռուսական ավիացիան և հրետանին շարունակել են ինտենսիվ հարվածներ հասցնել Ուկրաինայի քաղաքների ռազմական և քաղաքացիական օբյեկտներին։ Հարվածները հասցվել են Խարկովին, Նիկոլաևին և Չեռնիգովին, ինչպես նաև Մարիուպոլին։
Տաթև Ֆռանգյան
