09.02.2026 | 16:07
Ոստիկանները ապօրինի պահվող զենք-զինամթերք և մեծ քանակությամբ թմրանյութ են հայտնաբերել
Բորիս Ջոնսոնը մշակել է Ուկրաինա Ռուսաստանի ներխուժմանը հակադարձելու 6 կետից բաղկացած պլան
Քաղաքականություն
06.03.2022 | 13:25
Մեծ Բրիտանիայի վարչապետ Բորիս Ջոնսոնը շաբաթ օրը կոչ արեց միանալ վեց կետից բաղկացած ծրագրին՝ արձագանքելու Ուկրաինա Ռուսաստանի ներխուժմանը, սկսած մարդասիրական աջակցությունից մինչև Մոսկվային հնարավորինս տնտեսական վնաս պատճառելը:
Հաջորդ շաբաթ Լոնդոնում Կանադայի, Նիդեռլանդների և Կենտրոնական Եվրոպայի առաջնորդների հետ հանդիպումներից առաջ Ջոնսոնը հայտարարեց՝ Ռուսաստանի նախագահ Վլադիմիր Պուտինի ներխուժումը պետք է ձախողվի և տապալվի:
«Միջազգային կանոնների վրա հիմնված միջազգային կարգին մեր աջակցությունը հայտնելը բավարար չէ. մենք պետք է պաշտպանենք դրանք՝ ռազմական ուժով վերաշարադրելու շարունակական փորձից», – Reuters-ի հաղորդմամբ` նշված է Ջոնսոնի հայտարարության մեջ:
Նա թվարկեց իր նպատակները, որոնք ներառում էին՝ միջազգային մարդասիրական կոալիցիա Ուկրաինայի համար, աջակցություն նրա ինքնապաշտպանությանը և առավելագույնի հասցնել տնտեսական ճնշումը Մոսկվայի վրա:
Ջոնսոնը նաև կոչ արեց դիվանագիտական ուղիներ գտնել դեէսկալացիայի համար՝ Ուկրաինայի կառավարության լիարժեք ներգրավմամբ, ուժեղացնել անվտանգությունը եվրաատլանտյան տարածքում և վերջ տալ Ուկրաինայում ռուսական գործունեության «սողացող ներխուժմանը»:
Երկուշաբթի օրը Կանադայի և Նիդեռլանդների վարչապետների հետ հանդիպումից հետո Ջոնսոնը երեքշաբթի պետք է հյուրընկալի Չեխիայի, Հունգարիայի, Լեհաստանի և Սլովակիայի առաջնորդներին, որտեղ շարունակվում է փախստականների ներհոսքը՝ ռազմական գործողություններիհետևանքով:
Մեծ Բրիտանիան ծրագրում է ավելի արագ քայլեր ձեռնարկել ռուս գործարարների նկատմամբ պատժամիջոցներ կիրառելու համար՝ նոր իրավական միջոցների միջոցով, որոնք երկուշաբթի օրը կուղարկվեն խորհրդարան:
