25.11.2024 | 19:00
Միջուկային պատերազմի կարող է վերածվել ՌԴ-ԱՄՆ հակադրությունը․ ՀՀ-ն վտանգվում է՝ երկուսին էլ ժպտալով․ Արամ Սարգսյան․ ՏԵՍԱՆՅՈՒԹ
Կառավարությունը զսպող օրենք ստեղծելու փոխարեն սատարում է օնլայն-խաղատների ստեղծմանը
Հասարակություն
21.06.2017 | 16:11
Հայկական լրատվադաշտում գովազդում են օնլայն խաղատները, որոնք որսում և զոհ են դարձնում երիտասարդներին. այսօր լրագրողների հետ զրույցում նշեց Hartak.am-ի խմբագիր Կարեն Թումանյանը՝ խոսելով «Պայքար օնլայն կազինոների դեմ: Ինչ վտանգ են պարունակում օնլայն կազինոները, և ինչպես են բանախոսները պատրաստվում պայքարել դրանց դեմ» թեմայի շուրջ:
«Հայաստանյան լրատվադաշտում կա ձևավորված օնլայն խաղատնային միջավայր, որտեղ ներառված են «Տոտո», «Վիվարո», «Աջարաբեթ» և «Գուդ-վին» օնլայն-խաղատները։ Կառավարությունը պետք է զսպող օրենքներ ստեղծի, որ վերահսկող մեխանիզմի դեր ունենա, սակայն նա ավելի շուտ «սատարում» է օնլայն-խաղատների ստեղծմանը»,- նկատեց նա:
« Ոստիկանությունը ևս պետք է պայքարի օնլայն խաղատների դեմ։ Իսկ օնլայն խաղատները պետք է կիրառեն տեսազանգի մեթոդը, որպեսզի տեսնեն՝ ով է իրենց հետ խաղացողը՝ 14 տարեկան երեխա, թե՝ չափահաս մարդ»,- իր միտքը շարունակեց նա՝ հավելելով, որ նախատեսում են ստեղծել «Պայքար օնլայն խաղատների դեմ» խումբ, որտեղ ներկայացվելու են օնլայն խաղատների դեմ պայքարի բոլոր մեթոդները:
