16.09.2026 | 23:05
Բաքուն ՀՀ-ի հետ կապերի մեջ մեղադրվող բանտարկված թալիշ ակտիվիստին 3 տարով կտեղափոխի խիստ ռեժիմի բանտ
Չեխիայում արտակարգ դրություն է հայտարարվել Ուկրաինայից փախստականների հոսքի պատճառով
Քաղաքականություն
04.03.2022 | 17:45
Չեխիայի կառավարությունը արտակարգ դրություն է հայտարարել Ուկրաինայի պատերազմից փախած փախստականների մեծ հոսքի պատճառով։ Արտակարգ դրությունը ուժի մեջ կմտնի ուրբաթ օրը՝ մարտի 4-ից։ Այս մասին մամուլի ասուլիսի ժամանակ հայտարարել է վարչապետ Պետր Ֆիալան, գրում է korrespondent-ը։
«Մոտ 30 հազար փախստական Ուկրաինայից արդեն ժամանել է Չեխիա, նրանց տեղավորումը մեր երկրում ավելի արդյունավետ կազմակերպելու համար կառավարությունը մարտի 4-ից արտակարգ դրություն է հայտարարում»,- ասել է նա։
Արտակարգ դրությունը կտևի 30 օր և անհրաժեշտության դեպքում կարող է երկարաձգվել։
Ֆիալան հավելել է, որ ոչ փախստականներին, ոչ երկրին վտանգ չի սպառնում։ Չեխիայի կառավարության ղեկավարը քաղաքացիներին խնդրել է խուճապի չմատնվել։ Նա հիշեցրել է, որ Չեխիան Եվրամիության և ՆԱՏՕ-ի մաս է, որոնք տարածաշրջանում անվտանգության երաշխիք են։
Չեխիայի ներքին գործերի նախարար Վիտ Ռակուսանը հավելել է, որ ամեն օր Ուկրաինայից մոտ 5000 փախստական է ժամանում երկիր։
Տաթև Ֆռանգյան
