18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Զապորոժիեի ԱԷԿ-ի տարածքն այս պահին գրավված է ՌԴ ուժերի կողմից․ Ուկրաինայի ՄԿՊՏ
Քաղաքականություն
04.03.2022 | 13:56
Ուկրաինայի միջուկային կարգավորման պետական տեսչությունը հայտնել է, որ Զապորոժիեի ԱԷԿ-ի տարածքն այս պահին գրավված է ՌԴ ռազմական ուժերի կողմից։ Օպերատիվ անձնակազմը վերահսկում է էներգաբլոկների վիճակը և ապահովում դրանց անվտանգ շահագործման գործընթացի ընթացակարգերի պահանջները։
Տեղեկացվում է, որ 2022 թվականի մարտի 4-ին Ռուսաստանի Դաշնության զինված ուժերը գնդակոծել են Զապորոժիեի ԱԷԿ-ի տարածքը, ինչի հետևանքով հրդեհ է բռնկվել ԱԷԿ-ի տարածքում։
Ժամը 06:20-ի դրությամբ հրդեհը մարվել է Ուկրաինայի արտակարգ իրավիճակների պետական ծառայության ստորաբաժանումների կողմից։
Գերատեսչությունից հայտնում են, որ ԱԷԿ-ի էներգաբլոկները մնում են անձեռնմխելի, վնասվել են 1-ին ռեակտորի խցիկի օժանդակ շինությունները, ինչը չի ազդում էներգաբլոկի անվտանգության վրա։ ԱԷԿ-ի անվտանգության համար կարևոր համակարգերը և բաղադրիչները գործում են:
Այս պահի դրությամբ ռադիացիոն իրավիճակի փոփոխություններ չեն գրանցվել։
Ռուսական պաշտոնական աղբյուրները պնդում են, որ ատոմակայանն իրենց վերահսկողության տակ է դեռևս փետրվարի 28-ից, իսկ հրդեհի պատճառ է դարձել ուկրաինական կողմի հարձակումը։
Տաթև Ֆռանգյան
