09.02.2026 | 18:18
Ուժեղացված ոստիկանական ծառայություն՝ Վենսի այցից առաջ // Զինծառայողի ծեծի դեպքով վարույթ է հարուցվել. ԼՈՒՐԵՐ
ՄԱԳԱՏԷ-ն կոչ է արել Զապորոժիեի ատոմակայանի մոտ ռազմական գործողություններից զերծ մնալ
Քաղաքականություն
04.03.2022 | 11:46
Ատոմային էներգիայի միջազգային գործակալությունը (ՄԱԳԱՏԷ) կոչ է արել Ռուսաստանի և Ուկրաինայի զինված ուժերին զերծ մնալ Զապորոժիեի ատոմակայանի մոտ ռազմական գործողություններ իրականացնելուց, ասվում է գործակալության կայքում։
Twitter-ում ՄԱԳԱՏԷ-ն, հղում անելով Ուկրաինայի իշխանությունների հայտնած տեղեկատվությանը, տեղեկացրել է, որ Զապորոժիեի ատոմակայանի վայրում բռնկված հրդեհը չի ազդել հիմնական սարքավորումների վրա։
Հիշեցնենք, որ Մեծ Բրիտանիայի վարչապետ Բորիս Ջոնսոնը վաղ առավոտյան հեռախոսազրույց է ունեցել Ուկրաինայի նախագահ Վլադիմիր Զելենսկիի հետ և հայտարարել է, որ մտադիր է առաջիկա ժամերին ՄԱԿ-ի Անվտանգության խորհրդի արտահերթ նիստ հրավիրել՝ Զապորոժիեի ԱԷԿ-ի գնդակոծության պատճառով։
Տաթև Ֆռանգյան
