19.04.2026 | 12:45
Հայ ծանրորդները մեկնարկում են Եվրոպայի առաջնությունում
Բուհերը ավելի շատ ուսանողների վարձավճարներ կկարողանան զեղչել․ նախագիծ․ ՏԵՍԱՆՅՈՒԹ
Հասարակություն
04.03.2022 | 10:50
Ազգային ժողովում քննարկվում է «Հայաստանի Հանրապետության հարկային օրենսգրքում փոփոխություններ կատարելու մասին» օրենքի նախագիծը:
Նախագծի համահեղինակ, «Քաղաքացիական պայմանագիր» խմբակցության պատգամավոր Գևորգ Պապոյանի խոսքով՝ ԲՈւՀ-երն իրենց միջոցների հաշվին տվյալ ուսումնական տարում անվճար ուսուցման համակարգ ընդունված ուսանողների թվի 10 տոկոսի չափով` ըստ առաջադիմության, փոխհատուցում են վճարովի ուսուցման համակարգի ուսանողների ուսման վարձը: Միևնույն ժամանակ բարձրագույն ուսումնական հաստատությունը վճարովի չափաքանակի շրջանակում սովորող ուսանողական համակազմի առնվազն 10 տոկոսին փոխհատուցում է ուսման տարեկան վարձը` հիմք ընդունելով ուսանողների առաջադիմությունը:
«ԲՈւՀ-ը վճարովի համակարգում սովորող ուսանողական համակազմի առնվազն 10 տոկոսին՝ ուսանողների վարձավճարներից գոյացած բյուջեի առնվազն 7 տոկոսի չափով, իր միջոցների հաշվին՝ հիմք ընդունելով բարձր առաջադիմությունը և սոցիալական խումբը, իրականացնում է ուսանողական նպաստի ձևով ուսման վարձի մասնակի փոխհատուցում»,-ընդգծել է զեկուցողը:
Պատգամավորի խոսքով՝ եթե ԲՈւՀ-ը կարիք ունենա 20 կամ 30 տոկոսի չափով զեղչեր կատարել, ապա Հարկային օրենսգրքով սահմանված` 10 տոկոսից ավելի չափի համար չի օգտվի շահութահարկի և եկամտային հարկի հարկման բազան իջեցնելու արտոնությունից:
Նախագծի հեղինակներն առաջարկում են Հարկային օրենսգրքով սահմանված բարձրագույն ուսումնական հաստատության ուսանողական համակազմի մինչև 10 տոկոս շեմը բարձրացնել մինչև 20 տոկոս:
Ըստ նախաձեռնության հիմնավորման՝ դրա ընդունումը հնարավորություն կտա 2016թ. ապրիլյան և 2020թ. 44-օրյա պատերազմներին մասնակցած և ուսանող համարվող էլ ավելի շատ թվով քաղաքացիների տրամադրել ուսանողական նպաստի ձևով ուսման վարձի մասնակի փոխհատուցում:
Մանրամասները՝ տեսանյութում:
