28.02.2026 | 19:21
Գերմանիան, Ֆրանսիան և Մեծ Բրիտանիան դատապարտել են Իրանի հարվածները Մերձավոր Արևելքի երկրներին
Բորիս Ջոնսոնը պահանջում է ՄԱԿ-ի Անվտանգության խորհրդի արտակարգ նիստ՝ Զապորոժիեի ատոմակայանի գնդակոծման պատճառով
Քաղաքականություն
04.03.2022 | 10:53
Մեծ Բրիտանիայի վարչապետ Բորիս Ջոնսոնը վաղ առավոտյան հեռախոսազրույց է ունեցել Ուկրաինայի նախագահ Վլադիմիր Զելենսկիի հետ։
Վարչապետի մամուլի ծառայությունից հայտնում են, որ զրույցի ընթացքում անդրադարձ է եղել Զապորոժիեի ատոմակայանում տիրող իրավիճակին։
«Վարչապետը հայտարարել է, որ նախագահ Պուտինի անխոհեմ գործողություններն այժմ կարող են ուղղակիորեն սպառնալ ողջ Եվրոպայի անվտանգությանը։ Նա ասել է, որ Մեծ Բրիտանիան հնարավոր ամեն բան կանի, որպեսզի իրավիճակն էլ ավելի չվատթարանա»,- ասվում է հայտարարության մեջ։
Բորիս Ջոնսոնը մտադիր է առաջիկա ժամերին ՄԱԿ-ի Անվտանգության խորհրդի արտահերթ նիստ հրավիրել։
Երկու ղեկավարներն էլ համաձայնել են, որ հրադադարը կարևոր է, և որ Ռուսաստանը պետք է անհապաղ դադարեցնի գրոհը էլեկտրակայանի վրա և թույլ տա արտակարգ իրավիճակների ծառայություններին անարգել մուտք գործել կայան:
Տաթև Ֆռանգյան
