19.05.2026 | 21:25
Փաշինյանի՝ ՀՀ տարածքում հայերի թվի մասին պնդումը սխալ է․ հայերը եղե՛լ են 90 տոկոսից ավելի
Բլինքենը մեկնում է Եվրոպա
Քաղաքականություն
03.03.2022 | 17:18
ԱՄՆ պետքարտուղար Էնթոնի Բլինքենն ասել է, որ մեկնում է Եվրոպա՝ վերահաստատելու Վաշինգտոնի աջակցությունն Ուկրաինային, գրում է VOA-ն:
«Չհիմնավորված, չհրահրված և չարդարացված պատերազմում» ուկրաինացի ժողովրդի խիզախությունը ոգեշնչում է ողջ աշխարհին, ասել է Բլինքենը։ ԱՄՆ պետքարտուղարը նաև նշել է, որ ԱՄՆ-ը «կաջակցի Կիևի դիվանագիտական ջանքերին՝ հրադադարի հասնելու և ռուսական զորքերը Ուկրաինայից դուրս բերելու համար»:
«Եթե կան դիվանագիտական քայլեր, որոնք մենք կարող ենք ձեռնարկել, որոնք ուկրաինական կառավարության կարծիքով կարող են օգտակար լինել, մենք պատրաստ ենք դրանք ձեռնարկել՝ շարունակելով աջակցել Ուկրաինայի՝ իրեն պաշտպանելու կարողությունը», – ասել է նա։
Բլինքենի այց Բրյուսել նախատեսված է այսօր․ նա կհանդիպի ԵՄ-ի և ՆԱՏՕ-ի իր գործընկերների հետ:
ԱՄՆ պետքարտուղարը կքննարկի «ռուսական ներխուժմանը գլոբալ արձագանքը, ներառյալ դաշնակիցների և գործընկերների գործողությունների հետագա համակարգումը ՝ Ռուսաստանին լուրջ տնտեսական ծախսեր պատճառելու համար», ասվում է Պետդեպարտամենտի հայտարարության մեջ:
Այնտեղից նա կմեկնի Լեհաստան, որն ընդունել է ավելի քան 450 հազար ուկրաինացի փախստականների։ Բլինքենը կանգ կառնի նաև Մոլդովայում, որը նույնպես ընդունել է հազարավոր փախստականների։ ԱՄՆ պետքարտուղարը կայցելի նաև Բալթյան երկրներ։ ՆԱՏՕ-ի անդամ երեք երկրների ղեկավարներն իրենց մտահոգություն են հայտնել ՌԴ ռազմական գործողությունների կապակցությամբ։
ՆԱՏՕ-ն խոստացել է ուժեղացնել իր ռազմական ռեսուրսները Լիտվայում, Լատվիայում, Էստոնիայում, ինչպես նաև Լեհաստանում և Ռումինիայում։
Տաթև Ֆռանգյան
