Քաղաքականություն
03.03.2022 | 12:55
Ռուսական անկախ «Դոժդ» հեռուստաալիքի գլխավոր խմբագիր Տիխոն Դզյադկոն որոշել է առժամանակ հեռանալ Ռուսաստանից, գրում է «Գազետան»։
Ավելի վաղ Ռուսաստանի «Ռոսկոմնադզորը» սահմանափակել էր «Դոժդ» հեռուստաալիքի և «Էխո Մոսկվի» ռադիոկայանի հասանելիությունը Ուկրաինայում ռազմական գործողությունների վերաբերյալ «կեղծ տեղեկությունների» համար։
Մինչ այդ, ՌԴ գլխավոր դատախազությունը դիմել էր «Ռոսկոմնադզորին», պահանջելով սահմանափակել «Էխո Մոսկվի» ռադիոկայանի ու «Դոժդ» համացանցային հեռուստաըներության հասանելիությունը՝ պնդելով, որ նրանք սխալ տեղեկություններ են հաղորդում Ուկրաինայի տարածքում Ռուսաստանի բանակի գործողությունների մասին։ Դատախազության կարծիքով՝ նրանց հաղորդումները ծայրահեղական բնույթ ունեն։
Ի պատասխան Դզյադկոն հայտարարել էր, որ կբողոքարկի հեռուստաընկերության կայքի հասանելության սահմանափակումը։
Տաթև Ֆռանգյան
