16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Մեդինսկին հայտնել է, որ ուկրաինական պատվիրակությունը բանակցությունների վայր կհասնի, հավանաբար, վաղն առավոտյան
Քաղաքականություն
02.03.2022 | 20:57
Ուկրաինական պատվիրակությունն արդեն դուրս է եկել Կիևից, մենք ավելի շուտ ենք եկել։ Ռուս-ուկրաինական բանակցությունների վայրում հանդիպմանը սպասող լրագրողների հետ զրույցում ասել է Ուկրանիայի հետ բանակցություններում ռուսական պատվիրակության ղեկավար, ՌԴ նախագահի օգնական Վլադիմիր Մեդինսկին։
«Ուկրաինական պատվիրակությունն արդեն դուրս է եկել Կիևից և հիմա ճանապարհին է։ Մենք ավելի շուտ ենք եկել, նրանք կլինեն, հավանաբար, վաղը առավոտյան։ Մենք ըմբռնումով ենք մոտենում լոգիստիկ դժվարություններին»,- ասել է Մեդինսկին։
Հիշեցնենք՝ այսօր ավելի վաղ Ուկրաինայի նախագահի գրասենյակի ղեկավարի խորհրդական Ալեքսեյ Արեստովիչը հայտնել էր, որ Ռուսաստանի հետ բանակցությունների երկրորդ փուլը տեղի կունենա այսօր երեկոյան։
Բանակցությունների առաջին փուլը տեղի է ունեցել փետրվարի 28-ին։
