26.11.2024 | 22:13
Հակասական ցուցմունքներ․ ՔՊ-ական պատգամավորի միջադեպի գործով հարցաքննվեց ավտոբուսի վարորդը. ՏԵՍԱՆՅՈՒԹ
ԱՀԿ ղեկավարը՝ Կիևում հումանիտար միջանցք բացելու անհրաժեշտության մասին
Քաղաքականություն
02.03.2022 | 19:27
Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Ադանոմ Գեբրեյեսուսը հայտարարել է Կիևում հումանիտար միջանցք բացելու շտապ անհրաժեշտության մասին: ՏԱՍՍ-ի փոխանցմամբ՝ այս մասին նա ասել է Ժնևում ճեպազրույցի ժամանակ։
«Հումանիտար միջանցք ստեղծելու հրատապ անհրաժեշտություն կա՝ մարդասիրական աշխատողների անվտանգ և շարունակական մուտքն ապահովելու և կարիքավոր մարդկանց օգնություն ցուցաբերելու համար»,- ասել է նա։
Ուկրաինա մուտքի ապահովումը կազմակերպության համար առաջնահերթություն է, իր հերթին ասել է ԱՀԿ արտակարգ իրավիճակների ծրագրի տնօրեն Մայքլ Ռայանը։
«Մեզ անհրաժեշտ է մարդասիրական հասանելիություն, զինադադարի ժամանակահատվածներ, որպեսզի կարողանանք տեղափոխել հիվանդներին և բժշկական պարագաներ փոխադրել»,- նշել է Ռայանը:
Նրա կարծիքով, սակայն, առաջիկա օրերին դժվար կլինի լուծել այդ խնդիրը։
