26.03.2026 | 13:07
Սպասվող տեղումներով պայմանավորված հանրապետության գետերում սպասվում է ջրի ելքերի զգալի մեծացում
Այս խելահեղությունը պիտի՛ կանգնի․ ՌԴ-ն սարսափ տարածելով ստիպում է Ուկրաինային ընդունել պարտությունը. Ստյոպա Սաֆարյան․ ՏԵՍԱՆՅՈՒԹ
Քաղաքականություն
02.03.2022 | 19:47
Ռուս-ուկրաինական բանակցությունների երկրորդ փուլ է սպասվում վաղը՝ մարտի 3-ին։ Ի՞նչ նպատակներ են դրված։ Քաղաքագետ Ստյոպա Սաֆարյանը Factor TV-ի հետ հարցազրույցում ասում է՝ ռազմական թատերաբեմին զուգահեռ՝ նաև բանակցությունների երկկողմ խողովակ է ստեղծել ՌԴ-ն։ Կրեմլը փորձում է հասկանալ, թե պատերազմում իր ստեղծած սպառնալիքները որքանո՞վ են ազդում Ուկրաինայի վրա։
«Պուտինը ցանկանում է, որ հենց Ուկրաինայի նախագահ Վլադիմիր Զելենսկին որոշում կայացնի՝ ընդունելով պարտությունը։ Նպատակն է՝ ոչ թե ինքը մտնի, նվաճի Կիևը, այլ ուզում է քաղաքների շուրջ ստեղծված վիճակներով վախեցնել՝ սարսափեցնելով հասնել իր նպատակին, որն է՝ Ուկրաինայի պարտության ընդունմանը»,- ասաց նա։
Ի՞նչ արդյունք է ձեռնտու Հայաստանին գլոբալ այս մրցախաղում։ Ըստ Ստյոպա Սաֆարյանի՝ միանշանակ փաստ է, որ աշխարհակարգի փլուզումը ձեռնտու չէ, տուժում են ամենախոցելի կետերը, ուր կան կոնսերվացված կոնֆլիկտներ․ «Իսկ արցախյան կոնֆլիկտը կոնսերվացված կոնֆլիկտ է։ Եկեք միշտ հիշենք սա և ում գործողություններն էլ որ գնահատելու լինենք՝ թե՛ դաշնակցի, թե՛ Արևմուտքի, պիտի գնահատենք՝ անվտանգության վակուո՞ւմ է առաջանալու դրանից, թե՞ ոչ»։
Հարցազրույցն ամբողջությամբ՝ տեսանյութում։
Ռոբերտ Անանյան
