09.06.2026 | 15:50
Ընտրակաշառքի համար՝ բանտ մինչև հաջորդ ընտրություններ․ Փաշինյանի հանձնարարականը․ ՏԵՍԱՆՅՈՒԹ
Առայժմ հայտնի չէ՝ երբ տեղի կունենա ՌԴ-ի հետ բանակցությունների երկրորդ փուլը․ Ուկրաինայի ԱԳ նախարար
Քաղաքականություն
02.03.2022 | 15:29
Ուկրաինայի ԱԳ նախարար Դմիտրի Կուլեբան հայտարարել է, որ դեռ հայտնի չէ, թե երբ կկայանա Ռուսաստանի հետ բանակցությունների երկրորդ փուլը։ Կուլեբան այս մասին հայտնել է Facebook-ում առցանց ճեպազրույցի ժամանակ, փոխանցում է UNIAN-ը։
«Բանակցությունների առաջին փուլը կայացավ: Ռուսների պահանջները, սկզբունքորեն, մնում են անփոփոխ։ Դրանք այն պահանջներն են, որոնք Պուտինը հնչեցրել է պատերազմի մեկնարկից առաջ, ըստ էության, պատերազմ հայտարարելով մեզ։ Մենք պատրաստ ենք բանակցությունների, պատրաստ ենք դիվանագիտության, բայց ոչ մի կերպ պատրաստ չենք ընդունելու ռուսական ցանկացած վերջնագիր»,- ասել է Կուլեբան։
Նախարարի խոսքով՝ դեռ հայտնի չէ, թե երբ տեղի կունենան նոր բանակցությունները։
