09.06.2026 | 00:17
Մարկո Ռուբիոն շնորհավորել է Փաշինյանին
ՌԴ-ի և Ուկրաինայի միջև այսօրվա բանակցությունները կարող են տեղի չունենալ․ Ինտերֆաքս
Քաղաքականություն
02.03.2022 | 13:06
ՌԴ-ի և Ուկրաինայի միջև այսօր նախատեսված բանակցությունները կարող են տեղափոխվել շաբաթվա վերջ։ Այս մասին ռուսական «Ինտեֆաքս»-ին հայտնել է տեղեկացված աղբյուրը։
«Ուկրաինական կողմն առայժմ բանակցություններին պատրաստակամությունը հաստատող պատասխան չի տվել։ Ակնհայտ է, որ հաշվի առնելով լոգիստիկ խնդիրները՝ նրանց լրացուցիչ ժամանակ է պետք՝ Բելառուս ժամանելու համար։ Այսօր բանակցությունները քիչ հավանական են»,- ասել է գործակալության զրուցակիցը։
Աղբյուրի փոխանցմամբ՝ ավելի հավանական ժամկետը շաբաթվա վերջն է։
«Ավելի իրատեսական ժամկետ է՝ ուրբաթ օրվան մոտ, այսօր կամ վաղը ուկրաինական կողմի դրական պատասխանի դեպքում»,- ասվում է հրապարակման մեջ։
Աղբյուրը նաև նշել է, որ խոսքը բանակցային գործընթացից հրաժարվելու, այլ քննարկվում են միայն բանակցությունների նոր փուլի անցկացման ժամկետները։
Հիշեցնենք՝ Ռուսաստանի և Ուկրաինայի միջև բանակցությունների առաջին փուլը տեղի է ունեցել փետրվարի 28-ին։
Էմմա Չոբանյան
